現年44歲嘅韓流始祖裴勇俊同31歲女星朴秀珍前年結婚，佢哋去年10月升呢做父母，早前再度宣佈喜訊，朴秀珍成功懷有第二胎。

雖然暫時就未知朴秀珍腹中胎兒嘅性別，但係朴秀珍就專心安胎，而佢早前為代言嘅珠寶品牌今日就公開朴秀珍嘅新相，只見呢位靚媽身形繼續纖瘦，當中着上貼身裙嘅朴秀珍腹部好平坦，一啲都唔見肚，唔知係唔係喺懷孕前拍攝呢？