《玄機解馬》來到第九集，今次繼續在周六同大家見面，已於今晚（22日）10點鐘在《果燃台》播出。

今集嘉賓孫柏文除咗係股市評論員、財經專欄作者外，亦係馬主身份，不過佢嘅養馬運欠佳，唯一愛駒「樂家將」33戰不勝於上年退役，之後再引入馬匹亦一波三折，有一駒準備運港之前撞樹亡。

如今服役名下的三歲新西蘭自購新馬「甲烷」，剛抵港不久，現於霍利時馬房受訓，但孫柏文坦言「甲烷」是臨時臨急買入頂替，非精挑細選揀入，明言唔好寄望咁高。

究竟孫柏文係咪天生冇養馬運？主持人Yoki唐碧霞會分析佢嘅面相。

孫柏文又講到眉飛色舞，佢指出家陣馬場會員席，感覺冇昔日殖民地時代咁尊貴，是始於千禧年李澤楷搞盈科數碼動力，小小超模仿喬布斯嘅形象，影響到很多會員嘅衣着風氣。

孫柏文又建議馬會大幅收緊dress code，可以對賽馬運動嘅傳承，帶來意想不到嘅好處！

《贏馬錦囊》提供周日(23日)沙田賽事貼士，錯過咗直播？馬上撳入嚟重溫！

重溫過往《玄機解馬》集數可撳呢度

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX