男星朴海鎮最近忙住拍攝新劇《Doctor異鄉人》，搞到5月1日生日時都要喺片場渡過，真係慘！好彩劇組人員安排咗蛋糕同鮮花幫佢慶祝，而佢好兄弟張亮同埋拍檔李鍾碩仲企埋起身合唱生日歌。而當中李鍾碩表現得最投入，佢著住手術袍戲服，拍哂手咁唱歌，仲興奮過壽星，真係好可愛！

另外，朴海鎮前拍檔劉仁娜嘅男友池賢宇下月退役，有傳佢會拍新劇《Trot戀人》回歸小螢幕，不過女主角唔係佢女朋友，反而係女朋友嘅好姊妹IU，認真有趣！