西九文化管理局行政總裁連納智下年8月任期屆滿，此時文化界流傳佢扭計要加人工先續約，季陶日前率先報道。聽聞連納智噚日睇到篇文嘅譯本，笑笑口同人講邊有扭計加薪呀？有西九委員話喎，大家傾吓人工調整梗有，但話佢扭計就未免早咗啲，因為佢哋係啱啱開始同連納智傾，未咁快入肉，而且連納智人工其實唔低，雖然同機管局許漢忠有距離，但同M+博物館行政總監李立偉比較就高好多。
其實連納智份約計埋其他福利，實收唔只400萬，所以當日西九推薦佢畀煲呔時，煲呔一度嫌貴唔想請，係當年西九主席唐唐堅持要請有國際知名度嘅人做CEO先拍板。