《急診男女》噚晚播出第19集，呢集吳昌敏（崔振赫飾）好蠱惑，佢呃前妻吳珍熙（宋智孝飾）話個聽診器好似壞咗，聽唔到珍熙對佢再動情嘅心跳聲，之後昌敏就搶走聽診器，將聽診器輪流放喺珍熙嘅兩邊咪咪上，嘩，好明顯抽水啦！珍熙後知後覺，即刻雙手護胸。

珍熙個妹因為有事唔得閒湊仔，拜託前姐夫昌敏代為照顧，珍熙十萬個唔好意思衝上昌敏屋企齊齊湊Ｂ，過程倒瀉籮蟹。

後尾佢哋太攰，珍熙飲飲吓啤酒仲醉咗，昌敏就抱佢入房，點知第二朝瞓醒就出事，佢哋冇着衫瞓埋同一張床，仲嚇到齊齊大叫，但其實話晒佢哋都做過夫妻，又有意思復合，有必要叫得咁大聲嗎？