今期(18日)第五場「錶之寶」馬主楊建文，近年好積極引入馬匹，響「錶之寶」前後，買入已退役之「寶石玻璃」及「錶之鑽」，仲有最新未出賽嘅「錶之勝」，可惜到家陣仍未一勝。
上個月楊建文響公司總部惠州，送咗部跑車供善長競投，雖則反應熱烈，但佢仍比底價捐多二百萬自己投番，並全數作慈善用途，雖則捐獻對楊建文習以為常，但跟手「錶之寶」本月初就後上跑第四，第一次有獎金收，真係福有攸歸，後上馬今期由1400扳上1600米更利追，話唔定就係開齋時候！