韓國男團EXO成員Lay即將演出由章子怡監製嘅內地電影《從天兒降》。

今日下晝，Lay喺微博留言：「大家好，我係張藝興。我嘅第一個電影小寶貝今日《從天兒降》，有人搶當『爹媽』，有人演『兒』。我要演咩呢？」公開自己即將參演電影嘅消息，而Lay所屬嘅事務所相關人員亦透露：「Lay將演出《從天兒降》嘅主角。」

《從天兒降》係一部科幻愛情喜劇電影，由章子怡同魏楠聯手擔任製片人、郭敬明任總監製、內地電影《重返20歲》導演陳正道任藝術總監。

章子怡之前已經監製過《非常完美》、《非常幸運》，今次係佢第三度擔任製片人。