【新增影片】
「反送中」風波竟然掀起一股假圖假片假訊息熱潮，可能連續兩星期有過百萬人上街嘅威力，實在太大，嚇到撐修例嘅人都不停要玩抹黑。而喺呢堆瘋傳假嘢中，一段自稱90後反送中青年大肆宣揚不孝嘅片最為人「津津樂道」，無他，因為無論背景內容同演技，都真係幾堆砌同生硬下。

有假必有真，公民黨東區區議員鄭達鴻係真．上街族，6月9日同16日都有遊行反修例，6.12示威都有捱過催淚彈，阿達以90後身份上陣，照辦煮碗喺添馬公園門常開之下，以同一個tone拍片【致香港人：香港的年輕人真的很愛你們】，佢提及兩度遊行最大的感受，係點解特首林鄭月娥堅持唔肯撤回惡法？指父母養育仔女都係想佢哋做個好人，生活喺更公義嘅地方，而年輕人都係為咗保護「屋企」而走上街頭。

阿達喺Facebook話呀，「當二百萬人上街過後，當政權死不認錯過後，接下來就係一波波既抹黑分化」，相信都係希望大家有所警剔。佢重申所有人都係香港人，無論喺邊個崗位，都會為屋企而努力。佢喺hashtag特別提示「我不是演員」、「所有也是真人真事」、「也真心向我父母致敬」，唔少網民喺阿達Facebook留言：「呢段先係人話…真心話！真香港人加油」、「建制條片就有如打乒乓開個滴滴仔過嚟，點知阿達一嘢橫手抽擊ban爆張台。拍得好之餘，真係講出心聲」、「 呢個正氣好多」；阿達嘅政途「師傅」陳淑莊都有share短片，留言「拒絕分化，父母輩與年輕一代都係愛香港嘅香港人」。

短片： https://bit.ly/2FyIfDI

-----------------------------
民陣G20「Free Hong Kong」集會
日期：6月26日（三）
地點：愛丁堡廣場
時間：20:00-21:00
-----------------------------

登記做選民 7月2日截止

登記方法：
。親身取表填寫及郵遞
。網上登記（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

市民可從以下網址查閱選民資格： https://bit.ly/1PAPC7N

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX