【新增影片】
旺角西洋菜街行人專用區一帶，經常被唱歌跳舞的「大媽」、大叔「佔領」，一眾街頭表演甚至會「爭地盤」，惟因表演者質素參差，令一些途人開始對該區域避之則吉。6月10日「生於亂世」facebook專頁上載2段外國人在旺角街頭表演歌短片，不少網民大讚表演有水準，值得推薦，有人直言「五音不全大媽差一億班」、「呢啲先係藝術呀，大媽個啲叫噪音呀！」亦有人諷刺地稱表演者似有收取打賞，應要找入境處執法，又問到「拎左working visa 未呀」。

片段中分別有一男一女演唱「聖母頌」，以及一名男士演唱「善變的女人」，三人身穿簡便裝束，該女士甚至身穿人字拖，表演時以小型喇叭播放音樂。有曾聽過該表演的網民留言，稱可現場購買表演者的CD。

【網民點講】
Hei Yeung：點都好，個個都想要睇D高素質的表演
Ip Adryan Ho-yan：睇相佬有冇發老脾？
Paul Yip：好勁，真功夫
Duke Lilomei：哩（呢）啲先佩（配）香港。What a breath of fresh air!掃走啲江湖雜耍不倫不類嘅妖孽就啱喇。