呂慧儀2018年與黃文廸離婚，獨自照顧六歲兒子Anton。回復單身的呂慧儀傳與張景淳戲假情真，日前讀者何先生透過「爆相爆片」直擊呂慧儀湊仔遊主題樂園，同行還有一名年約40多歲的中佬及小女孩，似足一家四口享天倫，而該中佬就是她的前夫黃文廸。

何先生說：「嗰日大約3點幾，最先見到呂慧儀，佢哋排海盜船時，我仲聽到職員問呂慧儀有冇懷孕？佢搖頭話冇，可能佢件衫比較厚身令人誤會，職員都只係問佢一個有冇懷孕。」何先生指呂慧儀與同行男人排隊時，並沒親密表現。其實日前呂慧儀曾在社交網，貼出母子遊主題樂園慶母親節的相片，但就不見前夫與另一名小女孩的蹤影。