Chen宣佈婚訊後一直未有蒲頭，沈默個多月的他直到昨日終於發聲，在EXO粉絲社區發長文向粉絲道歉。Chen文中寫道：「苦惱咗好耐點樣去傳達我嘅心情，雖然擔心大家會因為生疏嘅言語而受傷，但首先要對等待咗好耐嘅各位講聲抱歉，對突然而來嘅消息而感到驚慌嘅你哋表示歉意。」

Chen表示對於自己來說，他也是生平第一次發生這樣的事情，所以他亦苦惱很久，應該如何向粉絲表達自己的想法，他說：「估唔到咁多人因為咁而感到失望同受傷，真係令我心裏非常自責同難過，所以先會再次發文向粉絲表達想法。真心感謝大家一直以來給我嘅愛，因為有呢啲愛先會有而家嘅我，這點我比任何人都清楚。」最後Chen就自己這麼晚才傳達心意而再次道歉，並承諾未來會展示更好的面貌見大家。

今日下午EXO所屬的SM事務所就發聲明，透露Chen不會退團，SM表示：「在官方公開成員Chen的結婚消息之前，與EXO成員進行了討論，EXO全體成員都經歷過成員離隊的痛苦，表示以後想一直在一起。本公司尊重成員這樣的意見，在此告知大家EXO成員沒有變動。因為還有即將入伍的成員，今年EXO的活動集中於solo和小分隊活動，這從去年開始就已經預定了，成員的活動也將陸續公開。今後EXO成員也會以EXO、solo、小分隊等多樣的活動來回報粉絲的喜愛。為使EXO和成員更加成長，公司將在所有方面盡全力支持。」

《果GYM》隨身播 　健身壹App過！