年過六旬的余伯，苦着臉向記者訴說：「我五年前第一次中風，喺醫院住咗幾個月，出院之後要用枴杖行路。前年同舊年我又先後兩次中風，喺屋企突然暈低，跌傷個頭同腰骨，最慘重搞到下半身唔郁得，手臂同手指又伸唔直！」
白髮蒼蒼的余伯續歎謂，中風後他難以活動自如，全賴妻子照顧其起居生活。「我幾十年嚟一直幫人賣生果，賺錢養家；中風之後我無法工作，連去廁所、沖涼同食飯都要太太幫手！」
妻患病難推輪椅
余伯晚年飽受病魔折騰，怎料妻子張婆婆近月亦告病倒，兩老為此深感彷徨無助。年約六十歲的張婆婆，以柔弱的聲線說：「早排我開始經常肚痛、頭暈，又好容易覺得攰，點知睇醫生後，證實我患血壓高同腎病，要定時食藥控制病情，下個星期就再去覆診，詳細檢查個腎有乜毛病。」張婆婆無奈表示，現時她難再費力推動余伯坐輪椅出入，惟盼有電動輪椅供余伯使用。
子做散工收入少
然而，余伯自中風後與妻子靠傷殘津貼及生果金維持家計，生活清苦，實難以負擔購買一部動輒數萬元的電動輪椅。余伯道：「我有一個仔，但佢做地盤散工，收入唔穩定，而且要養老婆仔女，好難有錢畀我，希望善長幫吓我。」
本報已將余伯個案轉介復康專科及資源中心，由職業治療師評估余伯適用哪款輪椅，惟須靠讀者伸出援手，助他購買合適輪椅。
捐款編號：C0501