陳秀雯今日到商台接受《1圈圈》訪問，宣傳嚟緊四月喺灣仔伊館舉行嘅音樂會，除咗佢之外，仲有其他歌手，好似蔡楓華、李龍基等，陳秀雯話：「呢排已經開始為演唱會準備，每日喺屋企練歌，好似唱K咁。」除咗佢以前主唱嘅電視劇主題曲，陳秀雯仲話本身好鍾意聽陳奕迅同周杰倫嘅歌。

已有一段時間冇露面嘅陳秀雯，早前考獲香薰治療師牌照，佢話：「為咗要準備今次演唱會，香薰嘅工作都要暫時延誤，因為有啲香薰係我自己親手調配，所以安排上都要有啲調整。」

陳秀雯話，佢一向好鍾意做手作嘢，例如整衫、焗蛋糕同沖咖啡，佢話：「曾經夢想過喺海邊搵一間小屋，樓上住留下係用嚟買自己嘅手作嘢，可惜香港一路搵唔到合適嘅地方。」

精選娛聞，喺晒《娛果》
http://fb.com/appledailyent