容廐未跑過的新西蘭S布馬有九隻，其中評67分的「精算突擊」，來頭絕對唔簡單。這匹Danroad子嗣，與三勝直路賽的「路路好」，份屬同父同母兄弟，不過牠們的長相並不相似，其兄乃身短但健碩的短途馬，而此駒卻身長且步大，應該較啱跑中長途。「精算突擊」兩歲時首次試閘跑第三，當日跟牠一同衝線的「歌劇大師」，其後勝出G1新西蘭打吡，試閘水準絕對唔差。此駒在當地跑過兩場，初出跑1150米只得第二，明顯欠缺短途速度，翌仗增程跑1400米，沿欄領放直奔終點，該仗大熱麥道朗座騎Villars，追足一條直路亦只得第二，不單止未能反先，而且在最後100米，更被進一步拋離至兩個半馬位，而Villars之後跑五場獲兩冠兩亞，足證該仗的水準唔低，「精算突擊」來港插三班，前景應可向上望。而這匹四歲馬的進度亦甚理想，在晨課試跑所見，馬身肌肉飽滿，腳法亦變得成熟。今季熱完身跑一哩或以上路程，相信好快可以贏馬開齋。

詳盡內容可留意明日<<蘋果日報>>及蘋果馬網 http://hk.racing.nextmedia.com