自從公牛將占美畢拿（Jimmy Butler）交易走之後，就不斷有消息指獲迪（Dwyane Wade）對球隊極不滿，仲計劃買斷合約。而邁阿密傳媒近日就指出，熱火有意簽返獲迪，但前題呢位現年35歲嘅「閃電俠」肯打後備同大幅降薪！

《Miami Herald》嘅記者巴利積遜（Barry Jackson）指出：「熱火想簽返獲迪，但有都有條件嘅，就係獲迪要打後備，同埋願意攞底薪430萬美金（約3,360萬港元）囉。」不過，獲迪現時同公牛尚餘一年嘅合約值2,380萬美元（約1.8億港元），肯唔肯減咁多人工都成問題；而且獲迪近日放風話想喺退役前爭多隻冠軍指環，所以都未必會「愛回家」！