松岡李那今日喺太古城出席鞋履春夏發佈會，今次仲係以厚酬擔任新一年代言人，OK和味啦。不過呢，條題話佢「大咬」，絕對唔係話佢「嗰種」大咬，只不過係松岡大概開心得滯，笑起上嚟突然令人發現，原來佢個嘴仔都唔「惹小」0架，亦因為咁笑容特別燦爛，充滿陽光氣息，又真係幾hot喎!

今日松岡主要係即場為模特兒設計形象，春夏宣傳硬照之前已經影咗喇。佢仲話自己係鞋癡，買買埋埋屋企都有成百對鞋，唔算太多啫。最貴嗰對呢，亦唔係好貴之嘛，兩萬六，當然係名牌子啦。只要再勤力啲密密接job，買多一百對都唔係難事。

咁男友林德信有冇送鞋畀佢呢？松岡話有送平底鞋，又笑言:「應該係贊助商送嘅。」咁都係一份心思嘛。講到話日前係林仔生日，松岡亦好有心咁，幫佢準備咗一個surpriseparty：「我邀請了他所有的朋友，他以為沒有人來。」咁birthdaykiss呢？估唔到松岡「交波」喎：「很多男仔塗lipgloss錫佢呀!」咁即係有冇錫呀？