忠實英格蘭球迷李克勤前晚看到球證判錯入球，即時在微博留言表示如果有人夾錢打球證，記得預埋他一份，昨日克勤在灣仔出席港台活動，經過一晚冷靜後，他已收起怒氣，只覺得這種人為錯誤經常出現，不明為何現今科技發達，國際足協仍不加入科技助判斷，他說：「我覺得佢哋係特登唔整。」談到微博留言，克勤苦笑指所有英格蘭球迷當時都會氣憤，他說：「雖然判入都唔代表贏，但判唔入就嬲，都係發洩吓，若果呢啲幽默感都冇就冇得好講。」

質疑選球員有問題

克勤坦言今屆英格蘭是最令人失望的一次，怎看也不會奪世界盃，問到是否挑選球員有問題？他說：「唔知，留待專業人士講解。」克勤覺得英國有年輕球員，但不知為何不獲選入隊，前晚賽事德國隊平均年齡細四歲，下半場尾段他甚至覺得自己跑得比英格蘭球員快，惟有寄望下屆世界盃，但他覺得除了朗尼外，應該換掉其餘十位球員。克勤更表示花了數百元買的英格蘭球衣無緣再着，連家中世界盃足球都不敢讓兒子踢，因為足協表示有問題。
對於有傳他以百五萬於商台講波惹林海峰（Jan）眼紅單打，他說：「呢個係我哋日日茶餘飯後話題，阿Jan係好好合作夥伴，講嘢又有分寸，唔使替我哋擔心，我仲想加張床喺商台瞓。」
採訪、攝影：馬建華