《荷里活武器堅定流Hollywood Weapons》第2季 返嚟喇！秉承住第1季嘅瘋狂，美國癲佬主持人Terry Schappert繼續四圍挑機左試右試，係要推翻荷里活電影裏面，喺物理上冇可能完成嘅動作畫面，尤其關於軍事、爆破、槍械等等情節，令佢最唔服最唔順超。
Terry Schappert係個超級荷里活影迷，曾經喺陸軍服役23年，又做過特種部隊又狙擊手，齋聽個來頭已知佢猛料，幾有說服力㗎。第1季玩過測試過Rambo、大白鯊、Die Hard等經典電影場面，第2季Terry Schappert又會挑邊套戲機？喺度溫馨提示大家，節目內容涉及危險動作，千祈千祈唔好模仿，冇返主持人咁上下知識同背景，隨時渣都冇。所以用眼睇實《果燃台》夠喇，第2季共8集，分兩個星期上架。第1－4集已經有得睇喇！

《鐵漢縱橫》係一套90年代西部牛仔嘅經典電影，講主角Tom Selleck係一個喺遠距離都可以命中目標嘅超級神槍手；主持人Terry測試之前，都特登拜訪Tom Selleck揶揄一番。今集係玩bucket challenge，不過梗係唔係玩冰桶淋冰水，而係564碼外點樣用長槍擊中個bucket！有可能嗎？子彈夠力射咁遠距離嗎？就算射得中個桶會貫穿嗎？Terry試完564碼，仲會挑戰800碼外，用一粒子彈射穿兩個人體（當然係假人！）⋯⋯好，劇透咗會俾人打，想知Terry測試成功，定《鐵漢縱橫》劇情太誇唔合理，自己去睇！
第2集：挑機《007》

今集主角係Bond，Terry Bond！冇錯，007 James Bond都要行埋一邊，俾Terry挑一挑機。Terry嘗試喺一架Range Rover安裝武器，車頭兩側各自裝上白朗寧M1919中型機槍（1919 Browning machine gun 30 Cal），測試發射時字彈嘅軌迹同航道係咪正常。James Bond喺戲入面當然可以橫掃敵人，究竟現實中喺架車行駛緊嗰陣，兩把重型武器同時發射會點？子彈會唔會交叠埋一齊而根本射唔中目標？

值得一提係，上一季集集出場嘅Larry Zanoff，係ISS（Independent Studio Services）總經理兼槍械專家。ISS係一家專門為荷里活提供槍械道具嘅公司，77年由Greg Bilson創立，荷里活絕大多數電影公司都同ISS合作過。第2季亦唔例外，大家都會見到Larry嘅踪影，同觀眾講解好專業嘅槍械知識，今季仲耍埋武士刀，認真多才多藝。

正所謂好戲在後頭，之後集數唔再劇透太多喇，Terry會繼續挑機包括《變種特攻：狼人外傳》（X-Men Origins:Wolverine）、《妖夜尋狼》（Underworld）同埋《起尾注》（PAYBACK）等荷里 活電影中嘅誇張場口，即到《果燃台》睇《荷里活武器堅定流Hollywood Weapons》第2季啦！
「果燃台」 果迷專屬嘅影片世界