【本報訊】股市淡靜，樓市亦見疲弱，恒基地產主席李兆基被問及樓市前景時抱觀望態度，「購買力弱、失業率高，（樓市）暫時唔係好得住。」至於樓市何時可望復蘇？跟股市一樣，四叔亦話「睇唔到」！
「衰退期都唔知幾時，𠵱家都睇唔到，𠵱家衰退緊，希望佢快啲衰退完。」不過，四叔說，恒基地產不但沒有暫停新的投資，更積極考慮趁市況低迷時，與政府商談補地價事宜。

李兆基說：「公司好健康，樣樣都冇過龍。最近地產跌得好多，我哋唔係入得好多地，我哋反為（着重）喺補價方面，因為全香港農地最多就係我，我買咗未補價，趁佢最平嗰時補，即係最平嗰陣入貨，咁就最着數。今年或者上幾個月買咗嗰啲就梗貴，我等跌定就補價，一補就買平貨。」
李兆基稱，正有多宗補地價與政府商談中，以金額計，預計合共高達100億元。
據恒地最新年報顯示，截至今年6月底，集團持有的農地面積達3,400萬平方呎，本年度內（去年7月至本年6月底）就沙田烏溪沙土地及元朗大棠路地盤兩幅農地，已與政府達成換地基本條款協議，只需向政府落實補地價，便可完成更改土地用途，即可以動工起樓。