【13：25更新】新增動新聞

今日年度iPhone開賣日，銅鑼灣希慎Apple Store與及中環ifc，早上8時前已經有人排隊等候取機，不過未見人龍。在場亦不乏來自各方的「收機佬」，但市狀慘淡，出價很低，水位最高只得400蚊。

其中中環ifc蘋果店，排頭位的是來自安徽的曹先生，不過他不是買手機，而是買最新iWatch。他表示剛好到香港旅遊，在網上預訂手錶，明天離港。他本身用iPhone7 Plus，覺得沒有需要換手機，亦未考慮買一部回國內炒。

另外「愛妻號」何先生，每次蘋果換新機都會第一時間送給妻子，「我自己就會遲啲先換，但送畀太太就會第一時間買。」他笑言今年是第一年成功透過I reserve 訂購，買了一部灰色256 XS Max，他表示512容量大，但並無需要用到「啲嘢都上晒icloud啦！」

現場「收機佬」不多，其中一人是來自杜拜的Brian，不過他出價審慎，暫時只收到兩部機。Brian自稱在杜拜以轉售Apple產品生意為主，過去5年都有來港收購iPhone。今早他在ifc蘋果店外找「獵物」，向一名成功購入新iPhone XS Max 256GB的男子要求轉售。Brian第一口價僅開高港幣200元，令對方非常失望，即時拒絕並急步離開。Brian追上叫對方開價，但可能溝通問題，對方再拒絕並轉身離去。Brian也很失望，他向記者表示每部會出高200至300港幣，最多高400元，目標是買20部回去。他表示在杜拜，每部可以賣高100美元。

Brian表示今年與以往很大分別：「你從排隊的人來看就知道，我今年收機目標都係XS Max，因為XS同X係無分別，只係多咗隻顏色，無特別，消費者唔會有太大興趣，再加上金色唔係個個都鐘意。」

另一位來自內地的「收機佬」，站了一小時，一部機都未收到。他說：「啲人以往8千蚊一部開價三萬都有人買，今年佢哋想開高一、兩千，但我哋只畀兩、三百，佢哋以往賺開咁多，今年佢哋個心唔舒服。」他認為，今年部機沒有太大分別，欠缺特色。「無人拎機返大陸放售，風險太高。畀佢（大陸海關）捉到一次好麻煩，次次過關都有問題，因為規定只要部機貴過五千蚊就捉，佢要捉你莫講話一部，半部都有問題。」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568