【出師不利喎】方力申爆嘔後又眼腫損手 環島泳前周身傷
蘋果日報 2019/09/14 20:25
方力申眼腫損手環島泳
方力申作為前港泳隊代表，就算加入娛樂圈後都一直維持飛魚形象。最新一項大目標是11月的45公里環島泳，不過這次挑戰對於39歲的可能是極大負擔。
早前方力申落海練水，已經游到嘔，在海中心噴射式嘔吐。今日他就先熱身，參加了一項5公里泳賽，由赤柱碼頭游到淺水灣，不過事後他在醫院拍片，原來在比賽後又出事，令右眼受感染紅腫：「總之上咗水就好腫，不停流眼水，好過一段時間，之後又唔好。」醫生檢查完後未有發現致敏原因，但就指方力申右眼的微絲血管腫得好犀利，方力申形容病況：「我自己擘大眼一陣間，就好似有嘢頂住我咁，陣間醫生話會再用強力啲眼藥水沖洗。」
方力申大呻倒楣：「總之今日就倒楣啦，游水時覺得狀況唔好啦、中間撞到石頭（展示左手臂傷）。」他形容上次嘔完是一重打擊，今日狀況差是雙重打擊。他又說距離環島泳已經時日無多，希望可以提升狀態，片段最後以一聲長嘆結束，令人擔心他不能完成賽事。自己黑仔，但他仍要向關智斌（Kenny）say sorry，原本今日會出席Kenny演唱會尾場，不過連眼都打唔開，方力申說只能在家休息。
方力申今日參加完泳賽，上水後發現眼腫，連眼都擘不開。
他又透露在途中擦損手，狀態相當差。
他又向Kenny道歉，今日演唱會要缺席。