無綫今個農曆年將會推出《秀才愛上兵》和《和味濃情》作賀歲劇，前者由曾於《歡樂滿東華》甩褲的鄭希怡（Yumiko）主演，後者則由被傳搭上郭羨妮的陶大宇孭飛，兩位主角都是去年是非人物。由於每逢農曆新年電視觀眾例必流失，無綫今次把二人主演劇集列為賀歲劇，美其名是幫二人洗底，實質上是把二人當作收視炮灰。

繼《律政新人王II》及《野蠻奶奶大戰戈師奶》後，無綫將先後於本月21日及28日推出馬浚偉、鄭希怡和黎耀祥主演的《秀才愛上兵》，以及陶大宇和蘇玉華主演的《和味濃情》作賀歲劇，兩部劇均為20集。
Yumiko前年為《歡樂滿東華》表演空中飛人時發生甩褲事件，有傳無綫為安撫Yumiko而安排她在《秀》劇中擔正做女主角。雖然之前陳豪和周麗淇主演的《秀才遇着兵》收視理想，但今次續集幾乎人面全非，陳豪和周麗淇換上觀眾緣一般的馬浚偉和首次拍劇的Yumiko，吸引力自然大大減弱。至於另一賀歲劇《和味濃情》男主角陶大宇，去年拍攝《學警出更》期間被傳搭上郭羨妮而導致婚姻破裂，形象跌到谷底，今次大宇夥拍美女廚神蘇玉華能否挽回頹勢，仍是未知之數。

莊諧並重
蘇玉華盼現奇迹

不過，農曆新年香港市民多選擇外遊，按歷年收視慣例，電視觀眾總會大量流失，電視台收視狂跌，如過去幾年無綫選播的賀歲劇《迎妻接福》、《覆雨翻雲》和《怪俠一枝梅》等等，農曆新年期間收視跌到20多點，是以無綫把Yumiko和大宇主演的劇集列為賀歲劇，表面看似為二人洗底，但實際上卻是把他們當作收視炮灰。
記者昨日致電蘇玉華，問她可擔心《和》劇於農曆新年播映時觀眾驟減，她笑說：「唔擔心，好似《十兄弟》咁，新年之後收視會反彈，去到30幾點（結局周平均收視36點，觀眾人次233萬），我哋今次部劇除咗講煮嘢食之外，又去到日本拍外景，有笑料亦有溫情，相信觀眾會鍾意，我都幾有信心，希望我哋呢部劇會打破呢個新年收視嘅定律啦。」
《和》劇中，蘇玉華與日本料理師傅秦沛飾演父女，但蘇玉華對煮食卻一竅不通，整日發明星夢，知道大宇喜歡自己而經常利用他，着大宇做其觀音兵，直至蘇玉華眾叛親離後猛然醒覺，並在不斷努力下成為一流廚師。

分飾兩角
黎耀祥擔心收視

記者致電有份演出《秀》劇的黎耀祥，問他可擔心劇集於農曆年播映觀眾流失，他說：「都有啲擔心㗎，但自己行呢啲位置又唔係擔正第一男主角，但求有口碑已經心滿意足。對我嚟講，我今次係一反常態好正經咁去演，唔係以前嗰種搞笑，個角色我自己都好鍾意，希望大家支持吓啦。」
《秀才愛上兵》跟《秀才遇着兵》故事大同小異，馬浚偉是官，Yumiko是兵，而黎耀祥則一人分飾兩角，分別是貪官兄長及正氣弟弟，即馬浚偉的師爺，後來兄長死後，弟弟便冒充兄長身份，跟馬仔攜手合作破案，伸張正義。
採訪：林妃

最高蘋嬸

我蘋嬸本來都仲十五十六今年農曆新年出唔出埠，不過見到無綫兩套賀歲劇嘅陣容，真係要快啲打去旅行社訂機票，早走早着！
蘋果娛樂特派評述員蘋嬸

人物誌：意外甩褲霉運驅不走

鄭希怡（Yumiko）前年在直播節目《歡樂滿東華》表演「空中飛人」環節時，被拍檔錢嘉樂扯甩褲，露出黑色T-back（左圖），出醜人前。有指無綫為補償Yumiko損失，特意邀請她拍攝劇集《秀才愛上兵》。誰知Yumiko去年6月到多倫多擔任《新秀歌唱大賽》表演嘉賓時，在直播節目中走光露點（右圖），有網友更將片段放上YouTube，令Yumiko形象嚴重受損，人氣繼續滑落。

不倫之愛毀殺手形象

曾主演人氣劇集《刑事偵緝檔案》系列（圖左）的過氣「師奶殺手」陶大宇，前年跟郭羨妮合演《學警出更》（圖右）後傳出緋聞，去年3月大宇太太黃慧寶公開承認與相戀17年的丈夫離婚，更直指破壞其婚姻的第三者正是郭羨妮，事件轟動整個娛樂圈。有網友不齒大宇的行為，連黃日華都對大宇搖頭嘆息，直指「17年功力，咁就冇晒」。大宇受離婚及緋聞影響，形象直插谷底。

娛樂資料庫：新年檔播乜都唔掂

有指無綫每年都會安排「雞肋劇」在賀歲檔播出，縱觀近幾年的無綫賀歲劇，比一般收視普遍有30點為低。