當年今日
關於我們

靚仔緯哥期待一張大合照

蘋果日報 2014/05/03 06:00

大合照靚仔緯哥期待一張大合照

「綵」系王明澤家族養馬量唔少,繼團體馬「有綵」開齋後,輪到「真綵」打疊贏兩場,周日在港初出之「大合照」雖然唔用「綵」字,但馬主開心家庭團體成員,正係王明澤一家人。呢匹馬今次在港初出,得唔得要跑過至知,不過有兩樣嘢好特別,一係王氏家族初次同大摩合作,第二就係馬名唔用「綵」字,點解?
聽王明澤兒子王經緯講,命名「大合照」係有意思,希望一家人開開心心大合照,贏馬影番張靚相就最美滿。至於同大摩合作,係機緣巧合,王經緯解釋當初佢哋正要搵馬之時,大摩咁啱有馬推薦,雙方一拍即合。大摩向來識Do,王明澤係大馬主,買馬出手闊綽,大摩當然會盡快替「大合照」建功,等王明澤一家人響凱旋門嚟個大合照,然後進一步加強合作啦!