當年今日
關於我們

  政府僅存兩個「揸𨋢人」 - 李八方

蘋果日報 2003/02/20 00:00


政府揸Fit人係老董就係人都知,但政府「揸𨋢人」係邊個就冇乜人識,原來𠵱家公務員隊伍中重有兩個「揸𨋢人」,即係升降機操作員職系,分別喺機電工程署同政務司司長辦公室行政署做嘢。
堂堂政府「揸𨋢人」,人工梗係唔會少,兩人月薪總額合共有二萬幾蚊,即係每人有萬幾蚊,今時今日揸𨋢有咁嘅待遇,真係唔失禮。但佢哋唔係白逗人工,喺機電署做嘅「揸𨋢人」,除咗要舞掂一部工場用嘅大型載貨升降機之外,出年機電署搬到啟德新總部之後,重要喺工場入面做埋其他體力勞動嘅工作。聽講呢兩個「揸𨋢人」將會陸續喺今、明兩年退休,屆時有關職系就會取消,成為歷史。


傳真︰2623-9278
電郵︰[email protected]