狠母疑謀殺女兒的慘案中，女疑犯涉肢解12歲女兒令人毛骨悚然，被捕時更神志不清。《蘋果》事後取得女疑犯的相片，其容貌大曝光，可見她五官端正，外貌娟好；不過目露凶光，眉毛粗黑，令人看後有點不安。據街坊形容，平日出入不時碰到女疑犯，但她甚少與鄰居打招呼，且眼神帶有殺氣。另一位街坊金女士表示不認識疑犯母女，但對於命案感到害怕，「吓，咁得人驚，有乜理由呀？做阿媽既斬到一舊舊，係咪有啲問題呀？好陰功！」

記者事後亦尋獲該宗命案的報案人林先生，他指女疑犯在上址居住約兩年，過往不覺得她精神有問題，不諱言：「不嬲唔覺佢精神有問題，但發生件事之後，佢直情有問題！」其間女疑犯曾向林先生家人借電話打畀老公，現場消息稱，相信當時女疑犯欲找女兒生父。

林先生講述事發經過，當時其兒子正步出走廊倒垃圾，女疑兇走來表示要借電話，「佢話爆咗水喉，要打電話搵老公！」林指妻子「見到(佢個)單位真係有水漏緊出嚟」，所以出於好心借出電話，未料一借無回頭。

此時林先生下班回家，林回想當時已覺得事有蹊蹺，「女疑犯借咗電話好耐，個幾鐘(都未還)．．．借(手機)時已經唔係好正常，借咗唔肯還。」其間林先生又見她在走廊徘徊，不斷按手機屏幕，「見佢撳咗好耐(電話)」。林覺得可疑，遂返回住所報警求助。惟事後他翻查電話紀錄，發現女疑犯未曾致電內地聯絡其丈夫。

你敢爆，我敢獎！ 即Call《蘋果》24小時爆相爆片熱線 ：63836568