中文大學醫學院前院長鍾尚志喺巴布亞新畿內亞行醫後返到香港，一直享受人生，兼完成咗一本著作。
雖然唔少人曾經向呢位香港內窺鏡之父招手，佢都不為所動，但原來佢好支持以前嘅中大高足梁偉強醫生，梁醫生去咗仁安醫院做腸胃及肝臟中心總監，個中心今日開幕，並請到鍾尚志做顧問。
沙士嘅時候，鍾教授因為唔抵得政府嘆慢板而灑下男兒淚，事後索性唔撈去咗第三世界行醫，返嚟香港之後冇再入番行。今次做仁安顧問，都唔係全職，佢話只會遇到奇難雜症嘅時候，去研究一下幫吓手喎。