查實王國興噚日喺東區區議會曾建議將啲野豬送晒去無人島，減少影響市民，漁護署官員反駁指野豬游水好叻，若島上冇嘢食啲豬就會游水返市區搵食，換言之條橋完全唔掂。跟住狼英就喺社交網站對漁護署嘅講法表示同意，話野豬問題核心係「食」，指野豬食量大，郊野公園唔夠食，就食垃圾入面嘅廚餘，但一旦管理好啲垃圾桶、垃圾站，野豬冇廚餘食，野豬一家食乜好？仲提問：「餓死野豬，人道嗎？」，好似好有同情心咁，但繼而話餓咗嘅野豬「攻擊人的可能性更大」，講到底都係撐佢嘅人道毀滅論啫！
八方問過獸醫，指野豬唔係狩獵性動物，佢哋肚餓時第一件事係搵食而唔係攻擊人，加上野豬戒心重，就算好餓，除非有人刻意滋擾，否則唔會主動攻擊人。