黃心穎倉底劇擺足3年終獲解禁 宣傳海報「被消失」
蘋果日報 2021/01/18 22:44
解禁黃心穎一鋪清袋被消失
黃心穎去年4月被《蘋果》爆出背着男友馬國明「偷食」人夫許志安，結果不單與馬國明分手收場，形象和事業一鋪清袋，即時被TVB雪藏。雖然曾經有傳她獲解凍，舊作《堅離地愛堅離地》終獲「解禁」，不過最後能夠逃出生天的，只有劇集而非心穎本人，甚至有消息指TVB決定與心穎提前解約。
張振朗和龔嘉欣今日在將軍澳宣傳《堅離地》，現場所見，佈景版上已經不見了心穎的相片，對於劇集被擺足3年，終於可以在香港播出，他們當然感到開心，不過問到兩人會否聯絡心穎幫手做宣傳，張振朗只說：「呢啲要問返監製，我冇搵過佢，我諗佢睇電視都會知道。」監製吳冠宇表示沒有刪除黃心穎的戲份，會否安排對方出席宣傳活動，則由公司安排。
反而在2018年離巢的陳智燊（Jason）有份出席宣傳：「呢套係我約滿前最後一套劇集，今次亦係我約滿之後第一次返嚟，心情都好複雜，我喺度諗喺離開咗兩年，都生咗兩個仔，而家套劇又終於可以播，所以好興奮。」Jason透露媽媽最近從英國回港幫手照顧孫仔。
對於首次擔正做主角的劇集終於可以出街，龔嘉欣和張振朗當然覺得開心。
張振朗表示未有聯絡黃心穎。
監製表示未有刪減心穎的戲份。
龔嘉欣
離巢的陳智燊今日為有份演出的新劇做宣傳。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！