組合Soler、高皓正、葉蘊儀同李麗珍,去到W酒店出席禮服時裝騷活動。
Dino@Soler同高皓正都帶埋囝囝嚟睇騷,廿四孝老竇高皓正仲邊睇騷邊餵奶添。
李麗珍同葉蘊儀好老友咁一齊睇騷,李麗珍話佢正籌備飾物生意,創作自己品牌,李麗珍話:「我鍾意用唔同嘅石,用嚟做飾物襯衫,個名可能會用memory(回憶),做襯衫產品可能會搵肥菜(葉蘊儀)幫手,我電腦完全唔識,肥菜可以幫我,會擺喺佢舖度試吓。」葉蘊儀話珍妹嘅產品應該喺下人個月面世,而今日父親節就會同爸爸食飯,封利是作為父親節禮物。
Soler兄弟話意大利贏咗英格蘭,令佢哋相當高興,開心咗成朝。細佬Dino帶埋歲半囝囝嚟睇騷,Dino話囝囝原來表演慾強,日前佢哋喺一個朋友婚宴上表演唱歌,囝囝竟然走到台中央擺甫士扮唱歌搶鏡,Dino話:「好開心,可以好快退休,知佢唔怕醜,有表演慾都好開心。」