據報北韓有異動或重新試射火箭導彈，沙田馬場今午（10日）亦有一枚火箭誕生，此乃第六場四班1200米泥地賽，徐雨石馬房、夥拍見習騎師黃俊沿欄以高速一放到底的「好好利高」。

「好好利高」2.5倍大熱重響勝鼓，大勝五個馬位，平了季初12月2日「快樂旅遊」亦於泥地1200米同樣贏五馬位的今季贏最遠紀錄。今場「好好利高」單Win及組合獨贏A1分別派25.5及20.5元。

現年三歲的澳洲自購新馬「好好利高」，前仗在意大利籍騎師沈拿胯下贏四班1000米直路賽爆半冷開齋，再出跑第三未能連捷。

今次換上有七磅減的苗廐見習騎師黃俊，初跑泥地賽，用俗稱「大逃」的狂放戰略，起步冇耐已彈甩晒，拋離幾個馬位，直路不但冇力弱，還貫注到底，大勝五個馬位之多，在受天雨影響的泥地賽道上，跑來輕鬆自如。

鞍上人黃俊全程未開一鞭，「好好利高」仍快如火箭般，打響本身泥地賽頭炮，亦助廐主徐雨石連同第三場頭馬「天賜寶」（騎師梁家俊），成為今午田戰首個起孖馬房。

第六場二至四名依次是「慣勝積極」、「八心之友」及「君子精神」。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef