武漢肺炎全球大爆發，近期香港更爆出第4波疫情，雖然已經收緊了防疫措施，不過確診數字仍未見受控，源頭不明個案仍居高不下，每日有近百人確診，各行各業均大受經濟打擊，近日有不少公司宣佈裁員。有知情人士向《蘋果》透露，《新城電台》日內將會向員工派大信封，因他們過往已向幕後員工開刀，而今次重災區主要是前線DJ，文職員工亦不能倖免。全職DJ將要重新簽約，除了減薪1-2成外，甚至會以部頭形式合作，若不接受建議，則代表選擇離開，公司將依照勞工法例按機制補償薪金。

而身為台柱的啤梨和2016年因人事變動而成為兼職主持的薛家燕，據知亦是被開刀對象！有員工向《蘋果》表示不滿，‭他們明白經濟不景，對公司的業績有一定的影響，同事之間早已經有裁員的心理準備，不過今次開刀的對象全是中、下層，反而高層未有影響，而且當日有同事確實武漢肺炎，大家仍然謹守工作崗位，捱過難關後，仍然保不住飯碗。

啤梨現時有一個早上節目《全民必Buy》，對於有傳成為今次被開刀的對象，啤梨今日回覆《蘋果》說：「其實應該咁講，我喺《新城》做咗20幾年，由o靚仔做到而家係人哋老公，覺得係時候有啲提升同埋轉變。嚟緊我個人同新城會有啲新嘅合作模式，喺1月1日除咗會繼續主持節目之外，我自己外面搞嘅公司亦都會同新城有唔同層面嘅合作，所以唔止係做主持，而合作模式應該係更廣泛。」他還說：「我好多謝公司畀呢個機會我去做呢個嘗試，又畀咗好多意見，等我可以加大力度去發展我自己嘅公司。」至於將來合作的詳情，啤梨表示仍有小部份細節有待傾談，所以落實後再公佈。《蘋果》曾向家燕姐了解則未有回覆。

《新城電台》的發言人今日回覆：「我們不會評論市場傳言。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！