44歲日本諧星渡部建與女神佐佐木希結婚，羨慕死一眾男士，至於其舊愛伊藤裕子近日都成為話題，皆因43歲嘅佢日前殘爆上鏡，嚇親唔少觀眾。

伊藤裕子於97年透過拍攝日劇《同一屋簷下2》出道，多年來演出過唔少日劇，佢同渡部建係於04年合作綜藝節目撻着，於08年分手收場，而伊藤裕子亦已於11年與圈外人結婚組織幸福家庭，近年已減少亮相螢光幕。

伊藤裕子當日上節目被觀眾話突然間殘咗好多，睇落比年長2年嘅田中律子仲老，網民話差啲認佢唔到，有人質疑伊藤裕子係整容後遺症，亦有人覺得佢面色唔係咁好，擔心佢身體有事。