最新動態
禮拜入沙田馬場，場面熱鬧兼大開眼界，欣賞吓世界頂級佳駟個look，睇吓馬會辦大型盛會嘅能力，仲可以同朋友敍舊，輸贏已屬其次。
好多年前到英國睇一級賽嘅英皇鑽石錦標，今次入場，見到今年鑽石錦標嘅盟主狄倫捧香港瓶賠率得1.6倍；賽前10個馬評家9個話佢跑8成夠贏，唔少血統派專家仲貼佢做全日重心。嘩！我賭馬重分頭，見咁嘅雞肋賠率已經唔開胃，喺沙圈睇到隻馬孭住個大肚dum，真係大開眼界；幸得好友提點，就飛咗呢隻全程冇段好睇嘅大熱門，中正二百幾蚊Q。馬後炮，咪話隻馬征戰太頻咯。
攰可以成藉口，可惜自己夜晚賭波睇「死數據」都避不過一劫；阿仙奴連續第4場作客，單W得1.45倍，仍然麻木下注愛隊，結果班頹「兵」真係頂唔住，畀神勇嘅米堡破身。嚟緊「兵工廠」會返主場打兩場倫敦打吡，若果法比仔、希比同尹佩斯等仲出唔到，保得住個榜首位，睇怕要還神咯！
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！