6歲的美心妹妹楊鎧凝（Celine）拍攝的寫真相集《童萌時光》引起軒然大波，不斷有網民指寫真內Celine穿著內衣褲拍照的相片不恰當，更有市民報警，今日攝影師RonaldLam就接受專訪，表示對美心妹妹表示抱歉。

Ronald謂好樂意接受警方調查，因為咁樣先有一個機會俾呢本寫真一個評級，他謂：「如果唔係會令佢（該寫真）百辭莫辯，好希望能夠評定係咪兒童色情刊物，而家都係網上一啲道德觀點，希望可以有機會有一個機構可以去評定，警方會拎去評審會開一個file，去調查呢件事，要一段時間先有結果，但我自己希望可以盡快有結果，因為我好怕持續落去影響到我自己同小妹妹嘅聲譽，同公眾對我哋嘅誤解，希望有關方面可以盡快定性佢係咪一本兒童色情刊物。」

佢繼續表示：「問過法律意見，睇過本書全部內容，其實係同埋兒童色情有一段好大段嘅距離，其實我自己公司都好支持好保護兒童嘅。」

問到警方有冇聯絡Celine母親，佢就話:「據我所知係了解咗我先，覺得自己有需要去協助。」問佢覺唔覺得自己影相時角度有問題?佢話:「喺自己立場，因為影時冇產生邪念，所以影相過程係小朋友玩嘅過程，好自然流露。」

講到影內褲和一些取鏡角度有問題的相，Ronald表示:「其實係一連串嘅動作，打緊觔斗，我都好希望將全部寫真集相公開，唔係睇一張嘅圖片就作出評價，一張俾人修改嘅圖片作出評價。」