無綫套新劇明明叫《宦海奇官》，唔係《幻海奇情》吖嘛，點解噚晚嗰集咁離奇嘅？話說套劇應該係講官場鬥爭，但無綫當然係揼波鐘，未入官場先喺屋企嘈住先。噚晚嗰集大致講到劉丹原本想畀潘芳芳同馬國明入門，之後大婆謝雪心就施毒計，安排潘芳芳舊情人亂入，即場上演一幕娘爆大龍鳳，話潘芳芳係舊相好，喺識劉丹之前已有婚約在先，又話馬明係佢個仔乜乜乜。

或者你會話呢啲係Typical嘔血劇情啫，又乜咁出奇？但問題係，古時男人對女人「係咪處」呢個議題上尤其着緊，冇理由行房當晚冇驗明證身，所以劉丹突然一臉錯愕懷疑自己戴綠帽呢個論調，基本上係完全唔成立。網民仲搞笑話：「我懷疑套劇嘅編劇係處子之身，而監製就只係掛名出糧唔洗做！」

TVBloody專頁網址： https://www.facebook.com/TVBloody