睇番呢班人,高志森係最「人氣急升」嘅一個。嗱,橙皮書(表演藝術委員會份文件)有佢份,今次西九有佢份。一手軟件、一手硬件,睇嚟政府好睇起佢。佢重有一樣掂,就係同地產界有偈傾(春天舞台就簽咗其中一個財團)。所以記者下一個目標人物應該會係佢。
我覺得政府仲有幾類人要請入局,一類係又熟文化又熟教育嘅人,例如殷巧兒;一類係大眾傳播人,例如港台台長;一類係睇得通嘅人,例如中文大學嘅呂大樂。呂大樂喺《明報》寫過:「無論真心,還是假意,要重推『西九龍』,特區政府需要建構一套自圓其說的論述。」佢認為不談文化藝術內容,只談設施就只會令人擔心整個布局只是假借文化之名來發展地產。佢嘅睇法有見地。
不過我相信呂大樂根本就冇興趣入呢啲會。
觀火
傳真︰2623-9278
電郵︰
[email protected]