胡子彤同導演陳詠燊今日喺商台宣傳電影《逆流大叔》，依家已經有接近1300萬票房，導演話好感謝香港觀眾嘅支持：「除咗觀眾，有傳媒朋友撐都好感動。依家都計劃緊原班人馬再拍，但唔係短期內嘅事，唔想為有續集而有續集。」

陳詠燊話fans好多粉絲已經睇左4、5次：「最勁嗰個睇咗14次，仲會好用心去解讀部戲，有次我考佢，佢就為咗要搵答案再睇，真係好開心。」胡子彤話最開心係謝票嘅時候，有人同佢講睇完好開心：「好窩心，可以感染到觀眾。」

講到黃德斌結婚，問佢哋準備送咩禮？陳詠燊話：「無喎，佢又唔擺酒又唔盛，好似好冷淡咁，我都唔記得咗。」記者隨即笑佢哋冇心，佢地就話係黃德斌太低調。問到胡子彤，早前女友歐鎧淳對於有運動員參加奧運比賽時受不公對待發聲明，但被人指別有用心，佢話：「佢無唔開心，我都係分享自己感受，我當然會支持佢。人生就係咁唔公平架啦，我哋係睇下點去善用自己有嘅野。」