當年今日
關於我們

【李八方online】CY變身「信心哥」政改到底過唔過?

蘋果日報 2015/04/14 06:00

梁振英行政會議李八方ONLINE信心哥妄想哥

特區原來有位「信心哥」,大家知唔知係邊一個?話說今朝特梁喺行會前見傳媒,講到要為政改方案拉票時,CY突然無限loop「有信心」一詞,例如回應佢點可以撬到十幾票嘅時,佢就先後講咗五次「有信心」:「我哋要對呢個方案有信心,我哋對方案有信心。特區政府對方案有信心,我哋認為呢個方案得到社會大眾支持,我哋認為呢個方案可以為香港歷史性地落實我哋普選,掌握好這個普選嘅機會。我們要對方案有信心,我哋對拉票有信心。」

另一條題目問佢點解「有信心」,佢就三度重覆話「因為我哋對方案有信心」。見記者嘅五分鐘,佢前後足足講咗八次「有信心」。CY突然喺政改問題變身「信心哥」?有官場中人都質疑,係咪只係一場心理戰,多過真係撬到票?有口痕友話呀,唔好忘記,有信心未必一定會贏,而且有時越話有信心、就越係冇信心嘅表現喎。

到底「信心哥」其實係咪只係「妄想哥」?政改表決之時,自有分揭咯。