【武漢肺炎】陳庭欣男友健身室受影響 Avis反問特首:點解一早唔封關?
陳偉成陳庭欣健身中心林芊妤
特首林鄭月娥剛宣佈抗疫新規例,全港遊戲機中心、浴室、健身中心、娛樂場所、公眾娛樂場所及party room均須關閉14日,明日(28日)下午6時起生效。
陳庭欣(Toby)的男友楊振源(Benny)去年投資開設健身中心,Toby更擔任代言人,對於港府新政策,Toby今日回覆傳媒時說:「我見今次政策都唔止健身室,仲有戲院、娛樂場所都要咁做,大家都係用盡方法想去抗疫。大家以前都未試過,沙士咁多年前,而且每次應付病菌嘅方法都唔同,我哋都要跟住做。說到底都係希望大家唔好感染,可以回復番正常,政府今次話有補貼,咁就更好啦!」
在港九共擁有3間健身院的陳偉成(Avis)則說:「我明白現在全巿民必須要同心抗疫,但政府呢個措施係咪真係完全有成效,點解佢唔一早聽巿民講『封關』,堵截源頭先最重要,特首成日『唧牙膏』嘅抗疫決策,對於控制疫情根本毫無幫助,反而製造混亂,令香港經濟雪上加霜。其實只要場所做好消毒措施,根本問題不大。我哋健身室全部只做一對一學生,每小時最多四個學生,根本未有人群聚集。」
而本身是瑜伽導師的林芊妤(Coffee)透露新年後已沒有開班或私人教授,但亦擔心同行生計,她說:「新年後我都冇再教,係我自己停,始終好難知道每個學生飛過去邊,做過啲乜,而我有小朋友,都要為家庭着想。」她直言疫情下亦影響收入,她說:「其實我主要收入唔止教瑜伽,仲有代言人同廣告,但疫情下都要求你減價,咁我又唔急於搵錢,唔係搵錢大過天嘅人,大家共渡難關。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
Toby是男友健身中心的代言人,無奈接受政府的抗疫新對策。(IG圖片)
Toby透露健身中心每日都有人消毒,每兩星期有專業團隊作大消毒。(IG圖片)
疫情關係,Coffee大部份時間都留在家中,多了親子時間。(IG圖片)
Coffee為兒子,新年後已經沒有再開班教授瑜伽,只拍片在網上分享。(IG圖片)