當年今日
關於我們

中環在線:聯洲董事健康問題多 - 李華華

蘋果日報 2007/11/19 00:00


曾經係基金愛股嘅聯洲國際(048),8月初公佈,主席史璧加喺西班牙養病,職務要由副主席李嘉渝負責,直至上個月,史璧加因病去世。上個禮拜五,聯洲又出通告,話董事植浩然以健康理由辭任。
一家上市公司高層接連出現健康問題,唔知係咪同工作壓力大有關,事實上,聯洲近年的確唔少負面消息,好似史璧加病緊時,公司因為賬目問題,俾「股壇長毛」DavidWebb狠批,搞到股價急瀉,前嗰排公司公佈業績,又錄得全年虧損達19.59億銀。家陣公司仲停緊牌,股價年初至今急挫八成五。
不過,工作幾大壓力都好,都要顧住身體,華華喺度寄語聯洲董事,真係要保重。