鐵頭仁（何俊仁）雖然由新西轉戰超級議席，但都好關心白鴿黨喺新西嘅選情；事關幾個民調都顯示，白鴿黨唔單止未必喺新西保到一席，隨時一席都冇，所以鐵頭仁噚日殺入青衣為新西兄弟打氣。
雖然選情艱巨，白鴿黨新西參選人表明會迎難而上，噚日就整咗個小型奧運會造勢；佢哋安排咗身材較矮細嘅鐵頭仁，以及爭取冧莊嘅高達（李永達）去跨欄，呢個項目確實係幾高難度㗎！好彩成班新西兄弟都好細心，特別整咗個矮欄，令鐵頭仁同高達可以齊齊跨過包括打倒地產霸權等嘅四個難關，唔會似劉翔咁跨到整親腳。