亞洲流行音樂節今日喺會展舉行記者會，亞洲各地歌手雲集，包括韓國組合Infinite、日本的SekaiNoOwari，香港代表有林峯、馮允謙出席，聽晚佢哋會分別演出。

林峯為演出要特別排舞，問到可會被韓國歌手搶風頭，佢話：「唔怕，我哋都有好嘅表演，我嗰部分冇得輸。」女友吳千語因工作關係唔會到場打氣，至於排舞時可有支持？佢話：「冇，要密集排練，我想集中啲。」回到亞視傳出月底執笠:「如果係真都好可惜，始終係歷史悠久既電視台，擔心佢哋員工多啲，好慘，希望佢哋有糧出。聽晚（今晚）表演亞視會直播，我係第一次亮相呢個台。」

另外，林欣彤被揭發有家暴、並被指劈腿搭上天堂鳥成員Gordon，馮允謙話：「我只係睇到雜誌封面相，但平時佢好strong，都會蝦我，但係好女仔。」更稱未見過林欣彤同Gordon一齊。