連詩雅今日在商台宣傳新歌《說分手》，她笑言要學習斷捨離，未知講過往感情事、還是講棄置家居雜物呢！？

講完要斷捨離，轉頭連詩雅又指最愛的聖誕節將至，要購物佈置家居，連詩雅又自爆最喜歡逛工展會，「鍾意買家品、湯包、枕頭等，其實我18歲就開始鍾意行，每次都會拖埋車仔行，而家驚有人認到，所以會叫埋傭人姐姐一齊去。」屋越大會越多雜物，連詩雅即說：「我以前同媽咪住喺300幾呎嘅唐樓單位，我哋多嘢到要將膠箱當床板，上面再鋪塊床褥。」

對於好友周柏豪做爸爸，連詩雅透露已見過BB女，她說：「佢出世嗰日探過佢，我覺得佢嘅嘴仔似柏豪，好得意。」會否做BB女的契媽？她稱：「隨緣，契唔契只係一個儀式，我向來當柏豪係哥哥，所以我見到佢生咗個女，其實感動到勁想喊。」

此外，提到今年有3個樂壇頒獎禮宣佈取消，連詩雅說：「近排有任何活動取消都會覺得可惜，但係唔緊要，大家努力唔係為咗頒獎禮想攞獎，同埋頒獎禮只係儀式，而家都仲有獎項會頒，最可惜係少咗個場合見平時好少見到嘅歌手朋友。」

採訪、攝影：黃曉妍
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇