綽號「炒飯哥」的澳洲猛將羅理雅，周日（22日）賽事將停賽期滿復出，強勢回歸，呢幾日佢同囝囝Campbell不停喺峰火台「洗樓」搵練馬師支持，已經見到成效，星期日暫卜定9匹座騎。

另外，羅理雅年初三兩場分級際都有惡馬在手，成功搶番「天才」帥權出戰1600米一級賽董事盃，而喺同日1200米二級賽百週年紀念短途盃，就初策有綠魔之稱嘅「有得威」。

「有得威」對上兩仗跑1400米都由雷神莫雷拉贏出，包括剛攻下三級賽華商會挑戰盃，過程非常精彩，但雷神百週年紀念短途盃要騎「華恩庭」，Campbell透露有幾位騎師搵過練馬師姚本輝，希望獲得「綠魔」帥權，最終落喺炒飯哥手上，梗係開心啦！