今日有報告調查香港、上海及新加坡三地居民對不議題的關注度及滿意度,當中有超過60%表示香港不是讓小孩子成長的理想地。。(新聞連結: http://bit.ly/1WKjoAo )
曾與女兒在上海居住10年的吳綺莉,接受《蘋果》電話訪問時,就表示唔認同報告所指:「我覺得香港只係地方細競爭大,變咗令小朋友壓力大,但環境我自己中意香港。上海我生活咗10年,但比小朋友玩嘅地方,香港起碼有啲大自然嘢,喺內地除非你屋企好有錢,如果唔係只可以去泳池。一般普通人嚟講,香港係好過上海,我唔需要有錢,都可以帶小朋友搭巴士去沙灘玩,行山踩單車都係唔駛錢,喺內地就冇咗啲大自然,呢個係我咁多年最深嘅體會。新加坡我就贊成係一個好地方嚟,因為乾淨同安全,但上海同香港比較,一般人會覺得香港好過上海。」
而對於小朋友的教育制度,吳綺莉又指:「仲有就係上海人口多,除非你好有錢,或者識人,先可以去到啲好嘅學校。好似喺上海讀國際學校,淨係學費起碼要20幾萬人民幣一年,香港就15萬港紙。以前喺上海我都聽過啲家長講,上海學費太貴,入得去讀都有啲錢,變咗個個都好縱,變咗啲學生連鞋帶都唔識綁,我唔知咁樣係咪為之好啦!」