【更新資料】

曾有「香港戴圖理」稱號的本港43歲騎師賴維銘，曾因傷完全「消失」於晨課超過一年，早前他於晨課突然現身，策退役馬出跳，嘗試逐步恢復身手，之後又冇見賴仔一排，到今朝再見他露面，亦是試退役馬，過程十分順利，賴仔亦身手依然，看來決心重拾狀態希望復出，不似想掛靴。

賴維銘大髀骨對下的半月板軟組織曾撕裂，曾用鏍絲穩固住，不過鏍絲已攞番出嚟，然而康復需時，因此仍未有復出時間表。

賴維銘2015年10月於沙田馬場晨操時右腿受傷，自此「消失」於賽場，結果上季他只憑策騎鄭俊偉馬房的「創意寶」，於上季初贏得一場谷草1200米，今季更未曾上陣。