問到琴姐可有信心奪獎時,她說:「我根本就冇諗過,獎項呢啲留番後生喇,有梗係好,但唔會好恨攞。令我最開心係有份抽台慶大獎,全台藝員只有41個名額,我希望可以抽到現金大獎,咁就一定好開心。」琴姐更謂今年會停產,她說:「今年唔拍住喇,我又要做舞台劇。」
琴姐本準備了兩套晚裝出席台慶,但近日竟收到無綫通知連《翡翠歌星賀台慶》也要出席,與關淑怡合唱《三千年後》,令她為服裝問題十分苦惱,她更說:「我怕到時我會唔記得獨白,我又唔知關淑怡唱到邊句之後到我講,嗰時關淑怡演唱會叫我做嘉賓我都唔敢,真係好有壓力。」
現年70多歲的琴姐行動自如兼保養得宜,她自言甚少美容,除戒食牛肉外,未有特別戒口,只是保持工作令身心開朗。採訪:王崇穎
攝影:陳慧安