當年今日

以退為進 樂觀面對
黃澤鋒火鍋店停業避炎

蘋果日報 2003/05/07 00:00


黃澤鋒年前開設的火鍋店「麻辣小喇叭」,近期終難敵非典型肺炎肆虐,生意大跌,火鍋店更暫停營業二十日,至本月中才重開。黃澤鋒表示停業只屬以退為進,店舖亦正好趁機裝修。
黃澤鋒前年與邵傳勇、駱達華及幾位圈外股東合資,在尖沙嘴開設「麻辣小喇叭」火鍋店,開業以來一直生意不錯,及後邵、駱二人退股,黃澤鋒就與其他股東繼續經營。可惜近月香港正受非典型肺炎擴散影響,飲食業生意一落千丈,「麻辣小喇叭」亦已於上月二十六日起暫停營業。

明星食肆唔掂
明星食肆連月慘受非典型肺炎影響,早前郭富城所開的法國餐廳、周秀蘭與安德尊合資的「寶光素食」、以及鄧兆尊兄弟打理的「楚留香酒樓」,均先後暫停營業。佘詩曼有份投資的「龍珠」日本料理更結束經營頂手他人,而黃澤鋒的「麻辣小喇叭」將會暫停營業二十天,至本月十六日重開。

員工放冇薪假
昨日記者聯絡黃澤鋒,他在電話中說:「𠵱家間舖裝修緊,呢個時間係做呢啲嘢㗎啦,非典型肺炎對我哋影響好大,𠵱家要忍㗎,都唔爭在啦,家陣啲員工就放緊冇薪假。」
雖然火鍋店生意下跌,但黃澤鋒對前景仍抱樂觀態度,他說:「我覺得𠵱家做乜宣傳都冇用,啲人唔係冇錢,係有冇信心嘅問題,最緊要快啲搞番好肺炎,信心好啲,個市就會好啲,間舖暫停做生意都係進退攻略嚟嘅啫。」本來黃澤鋒曾計劃將店舖搬往香港或在港島區開分店,但計劃已暫時擱置。
採訪:朱芷瑩 攝影:何國豪
empty
麻辣小喇叭門外已貼出停業啟示。
empty
麻辣小喇叭門外已貼出停業啟示。
empty
麻辣小喇叭將在停業期間進行內部裝修。