自從李克勤簽約英皇娛樂後，主力發展內地市場搵人仔，近排佢忙緊做東方衛視嘅《我們的歌》歌唱節目。大部份時間都要上內地拍節目同唱騷嘅李克勤，從未為「反送中」活動表態，咁又係嘅，要搵人仔，又點會為港人發聲吖！為免有不必要嘅誤會，由10月起，佢索性冇更新ig，齋發微博update自己喺內地嘅工作，連老婆盧淑儀都一樣咁做。



賺埋賺埋咁多錢，就梗係要使吓咁先爽，好似呢日咁，李克勤孖住老婆齊齊shopping血併，不知幾開心。今次佢哋唔係買包包，而係為換季掃貨，兩公婆喺Alexander Mcqueen行咗一陣，就已經每人掃咗一大袋，好豐收。埋單邊個埋？唔使問都知梗係賺咗好多人仔嘅李克勤啦。掃完貨，盧淑儀去買蛋糕，本來喺店外等老婆嘅李克勤，等等吓入埋店裡幫手揀。講起李克勤，就一定要提吓佢真係好鍾意同譚詠麟、陳百祥玩，唔使開工嘅時候，佢哋會約埋齊齊打golf，睇到呢度，佢係黃定藍，大家心照啦！

攝錄：李玄、吳斯金

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難！】

親臨旺角做升級壹會員，即送「香港人：抗爭之夏」限量明信片

詳情地址