江嘉敏喺年初因為做人太有「主見」，結果同大台意見分歧，仲幫ViuTV拍節目《三一如三》，所以就算佢喺《親親我好媽》播出之後大受歡迎，照樣要入雪櫃。

「休息」完畢，江嘉敏終於解放番出嚟，之前有有份喺出席《不懂撒嬌的女人》嘅宣傳活動，重頭劇《誇世代》都有份演，早幾日仲同馮盈盈、楊明、黃嘉樂一齊喺中環拍劇。

兩套劇未播，江嘉敏有冇學生Look呢？未知，不過佢之前參與過嘅好多演出，都係女學生，包括出道作《曖昧不明關係研究學會》、港台《沒有牆的世界》、港台《私隱何價II》、港台《女人多自在》、港台《我的家庭醫生》等等，一系列都係港台作品，之後返到大台，喺《親親我好媽》繼續演女學生，繼續佢學生身份。江嘉敏仲憑住呢啲行品，吸引咗好多fans，得到咗「文青女神」、「18女神」等等嘅稱號。

其實江嘉敏都仲係得22歲，呢個年紀，仲有好多大學生都未畢業，搵佢做學生角色，又真係好合理嘅。